Թեհրանը բանակցություններ կվարի միայն կատարական կողմի հետ․ Իրանի ԱԳՆ

Իրանը, հավանաբար, հուլիսի 1-ին բանակցություններ կվարի կատարական կողմի հետ՝ որպես ԱՄՆ-ի հետ իրանա-ամերիկյան հուշագրի իրականացման շուրջ երկխոսության միջնորդ։ Այս մասին հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային:

Ավելի վաղ Իրանի նախագահ Մասուդ Փեզեշքիանը հայտարարել էր, որ Կատարում գտնվող 6 միլիարդ դոլարը կապասառեցվի, իսկ գումարը կփոխանցվի Թեհրանին:

«Մենք մտադիր չենք առաջիկա օրերին որեւէ մակարդակով հանդիպել ամերիկյան ներկայացուցիչների հետ։ Այն, ինչ, հավանաբար, տեղի կունենա Դոհայում հուլիսի 1-ին, բանակցություններն են հուշագրի դրույթների իրականացման վերաբերյալ, այն է՝ իրանական ակտիվների ապասառեցման հարցը, սակայն այդ բանակցությունները տեղի կունենան կատարական կողմի հետ», - ճեպազրույցի ժամանակ ասել է Բաղային։

Նա հույս է հայտնել, որ Թեհրանին կհաջողվի ակտիվների ապասառեցման հարցում հասնել արդյունքի։