Պատրաստ եմ հենց վաղն էլ վայր դնել պատգամավորական մանդատս. Թագուհի Թովմասյան

Պատրաստ եմ հենց վաղն էլ վայր դնել պատգամավորական մանդատս․ ֆեյսբուքյան իր էջում գրել է ԱԺ «Պատիվ ունեմ» խմբակցության պատգամավոր Թագուհի Թովմասյանը։

«Խորհրդարանական գործունեությանս առաջին օրերից այս հարցում ունեցել եմ հստակ դիրքորոշում. Կա՛մ մանդատը պետք է ծառայի երկրի պետական շահի սպասարկմանը, կա՛մ իմաստ չկա այն պահելու: Այսօր, երբ չեմ կարողանում ինձ վստահված մանդատով հայրենիքիս սահմանների պաշտպանության հարցում օգտակար լինել, երբ հայրենիքիս սպառնացող վտանգները չեմ կարողանում չեզոքացնել այդ մանդատով, ու շարունակապես փոքրանում է մեր երկիրը, ամեն պահ պատրաստ եմ վայր դնել այն», - նշել է նա։ 

Թովմասյանի խոսքով՝ նույնիսկ այս պարագայում այդ ուղղությամբ իր կողմից գործադրվող ջանքերը նշված խնդիրների լուծման գործում չեն պակասի. «Հետևողական եմ լինելու, ինչպես եղել եմ անցնող 3 տարիներին»: