Զեյնալյանը ԱԺ ընտրություններին կմասնացկի «Մենք» դաշինքի ռեյտինգային ցուցակով

Արդարադատության նախարարի պաշտոնակատար, «Հանրապետություն» կուսակցության անդամ Արտակ Զեյնալյանը «Մենք» դաշիքնի ռեյտինգային ցուցակով կմասնակցի արտահերթ խորհրդարանական ընտրություններին: Այս մասին լրագրողների հետ զրույցում ասաց նախարարի պաշտոնակատարը:

Հարցին`  խորհրդարանական ընտրություններից հետո նոր կառավարության կազմում է լինելո՞ւ, թե՞ խորհրդարանում, նա պատասխանեց.  «Ես մասնակցելու եմ խորհրդարանական ընտրություններին, լինելու եմ պատգամավորի թեկնածու և արդյունքներով է որոշվելու, թե որտեղ կլինեմ: Ժողովուրդն է որոշելու ներկապնակը՝ և քաղաքական, և գործադիր իշխանության: Կուսակցականներն ախոյաններ չեն, նախկին ձևաչափերը պետք է վերանան, թշնամություն և ընդդիմություն եզրույթները հոմանիշներ չեն լինելու»,- ասաց Զեյնալյանը: 

Զեյնալյանը նշեց, որ ապագա խորհրդարանի կազմը, և թե ինչ ձևավորում կստանա կառավարությունը որոշվելու է ընտրության արդյունքներով: «Մեր ուժը դիրքավորվել է և այդ ձևաչափով մասնակցելու ենք ընտրություններին, արդյունքը որոշելու է ժողովուրդը»,- ասաց նա: