Ծաղկաձորում վթարված կվադրոցիկլի ղեկին շրջանավարտներ են եղել. մահացածներն աղջիկներ են

Այսօր՝ մայիսի 24-ին, ողբերգական դեպք է տեղի ունեցել Կոտայքի մարզում: Ժամը 11:20-ի սահմաններում ՀՀ ներքին գործերի նախարարության ոստիկանության պարեկային ծառայության Կոտայքի մարզի գումարտակում օպերատիվ տեղեկություն է ստացվել, որ Ծաղակաձոր քաղաքում «Bagi» տեսակի կվադրոցիկլը կողաշրջվել է և կան զոհեր: 

ArmLur.am-ի տեղեկություններով՝ 4 հոգի տարբեր աստիճանի մարմնական վնասվածքներով ծայրահեղ ծանր ախտորոշմամբ տեղափոխվել է «Հրազդան» բժշկական կենտրոն, որտեղ վիրավորներից 2-ը գիտակցության չգալով մահացել են: Մահացածները 17 և 18 տարեկան աղջիկներ են։

Աղբյուրի փոխանցմամբ՝ նրանք երեկ տոնել են իրենց վերջին զանգը։ 4 ընկերներով գնացել են Ծաղկաձոր, «Bagi» մակնիշի կվարդրոցիկլ են վարձակալել , որից հետո տեղի է ունեցել վթարը։ Վթարի ենթարկվածները Երևանի թիվ 29 դպրոցի աշակերտներն են։