ՔՊ֊ի քաղաքական անբարոյականությունը. ընդդիմությանը մեղադրում են գյումրեցիներին խաբելու կամ ձայն գողանալու մեջ. պատգամավոր

ԱԺ «Հայաստան» խմբակցության պատգամավոր, ՀՅԴ Շիրակի Մարզային կոմիտեի ներկայացուցիչ Մհեր Մելքոնյան գրում է.

«Հայաստանի Հանրապետության այսօրվա քաղաքական մթնոլորտում բարոյականության մասին խոսելն անշնորհակալ գործ է։

Բայց, այնուամենայնիվ խիստ անհրաժեշտ է։

Քաղաքական գործիչներից շատերը (հատկապես ՔՊ֊ական խմբակի ներկայացուցիչները) փորձում են իրենց որպես բարոյախոսներ ներկայացնել, չնայած այն հանգամանքին, որ գործում են բոլորովին հակառակ ուղղությամբ։

Երեկվանից Շիրակի մարզի հակապետական խմբակի ներկայացուցիչներն իրար հերթ չտալով սկսեցին ընդդիմությանը մեղադրել է'լ գյումրեցիներին խաբելու, է'լ քաղաքական առևտրի, է'լ ձայն գողանալու մեջ։

Չմոռանալով ևս մեկ անգամ հիշացնել գյումրեցիներին, թե ինչպիսի ծանր ժամանակներ են սկսվում ` ընդդիմության իշխանության գալով։

Երբևէ հանդիպե՞լ եք մարդկանց, ովքեր անընդհատ խոսում են բարոյականության մասին, բայց միևնույն ժամանակ անդադար խախտում են այն։

Նիկոլական խմբակի քաղաքական անբարոյականությունը և դրա աղետալի հետևանքները ՀՀ֊ի քաղաքացիները դեռ երկար են զգալու»։