Էր Ռիադում ընթանում են Ռուսաստանի և ԱՄՆ-ի պատվիրակությունների բանակցությունները

Սաուդյան Արաբիայում սկսվել են ռուս-ամերիկյան բանակցությունները:

«Տեխնիկական թիմերի» փորձագիտական ​​հանդիպումը կանցկացվի փակ ձևաչափով։ Սաուդյան Արաբիայի պետական ​​անվտանգության ծառայությունը լրագրողներին խնդրել է հեռանալ Ritz-Carlton հյուրանոցի տարածքից։

Ռուսաստանը բանակցություններում ներկայացնում են Դաշնային խորհրդի միջազգային հարցերով հանձնաժողովի ղեկավար Գրիգորի Կարասինը և Անվտանգության դաշնային ծառայության տնօրենի խորհրդական Սերգեյ Բեսեդան։

ԱՄՆ պատվիրակության կազմում են Պետդեպարտամենտի քաղաքական պլանավորման գծով տնօրեն Մայքլ Էնթոնը, նախագահի հատուկ բանագնաց Քիթ Քելլոգի օգնականները եւ ազգային անվտանգության հարցերով խորհրդական Մայք Ուոլցի ներկայացուցիչները:

Ակնկալվում է, որ երկխոսությունը նվիրված կլինի Սևծովյան նախաձեռնության թեմային: Կրեմլում չեն բացառել, որ հանդիպմանը կարող են քննարկվել ռուս-ուկրաինական հակամարտության կարգավորմանն առնչվող այլ տեսակետներ։

Հիշեցնենք՝ մարտի 23-ին Վաշինգտոնի պատվիրակությունն Էր Ռիադում հանդիպել էր Կիևի պատվիրակության հետ։ 

Ինչպես «ՌԻԱ Նովոստի»-ին հայտնել է Ուկրաինայի նախագահ Վոլոդիմիր Զելենսկիի գրասենյակի ղեկավարի տեղակալ Պավել Պալիսան, ռուսական և ուկրաինական պատվիրակությունների հանդիպումներ չեն պլանավորվում։