Պուտինը հնարավոր է համարել ԱՄՆ-ի հետ հարաբերությունների կարգավորումը

Ըստ ՌԴ նախագահի՝ միջազգային հարաբերություններում ամեն ինչ փոխվում է, անփոփոխ են մնում միայն շահերը, այս դեպքում՝ «Ռուսաստանի և նրա ժողովրդի շահերը»։

VGTRK-ին տված հարցազրույցում ՌԴ նախագահ Վլադիմիր Պուտինը հայտարարել է, որ Ռուսաստանը պատրաստ է կարգավորել հարաբերությունները ԱՄՆ-ի և արևմտյան այլ երկրների հետ, բայց ոչ ի վնաս ռուսական շահերի։

«Ամեն ինչ կարելի է անել, եթե ցանկություն կա, մենք երբեք չենք կորցրել այդ ցանկությունը։ Մենք տեսնում ենք, որ իրավիճակն այնպես է փոխվում, որ այլ երկրների հետ հարաբերություններ կառուցելու հնարավորություններ ու հեռանկարներ կան, մենք պատրաստ ենք դրան; Խնդիրը ոչ թե մեր, այլ նրանց մեջ է»,- ընդգծել է Պուտինը։