ՌԴ ԶՈւ-ն վերահսկողության տակ է վերցրել ԴԺՀ-ի Կոտլյարովկա բնակավայրը․ ՌԴ ՊՆ

Ռուս զինծառայողները վերահսկողության տակ են վերցրել Դոնեցկի Ժողովրդական Հանրապետությունում գտնվող Կոտլյարովկա բնակավայրը։ Այս մասին հայտնում է Ռուսաստանի պաշտպանական գերատեսչությունը։

Բացի այդ, հարված է հասցվել Ուկրաինայի զինված ուժերի հինգ մեքենայացված, մեկ եգերական, երկու գրոհային բրիգադների, ծովային հետևակի բրիգադի և ազգային գվարդիայի երկու բրիգադների կազմավորումներին ԴԺՀ Ռուսին Յար, Նովայա Պոլտավկա, Ուլյանովկա, Ռազինո, Միրոլյուբովկա, Դիմիտրով, Կրասնոարմեյսկ, Զվերևո, Նովոսերգեևկա և Ալեքսեևկա բնակավայրերի շրջաններում:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։