Հունգարիայի արտգործնախարարը բացարձակ վստահություն է հայտնել Վրաստանի՝ ԵՄ-ին անդամակցելու հարցում

Թբիլիսիում մեկնարկել է Վրաստանի և Հունգարիայի վարչապետների պաշտոնական հանդիպումը։

«Վրաստանը և Հունգարիան կապված են ընդհանուր արժեքներով, մենք ողջունում ենք ձեր երկրի ինքնությունը պաշտպանելու և մարդու ինքնությունը հարգելու ձեր ցանկությունը։ Հանդիպմանը քննարկվել են համագործակցության բոլոր ասպեկտները, այդ թվում՝ առևտրատնտեսական հարաբերությունների խորացումը, ներդրումները, զբոսաշրջությունը և Սև ծովի հատակով էլեկտրական մալուխի անցկացման նախագիծը։ Շնորհակալություն Վրաստանի ինքնիշխանությանը աջակցելու համար։ Մենք շարունակելու ենք պաշտպանել մեր երկրների ազգային շահերը և խորացնել համագործակցությունը», - նշել է Վրաստանի վարչապետ Իրակլի Կոբախիձեն։

«Ես չէի ցանկանում նախընտրական շրջանում գալ Վրաստան, քանի որ դա միջամտություն կլիներ գործընթացին։ Դուք և ես ազատության և ինքնիշխանության համար պայքարողներ ենք, քանի որ շրջապատված ենք մեծ երկրներով։ Ցանկանում եմ շնորհավորել վարչապետին ընտրություններում տարած հաղթանակի կապակցությամբ։ Հունգարիան պաշտպանում է երկիրը չքանդելու և անիմաստ պատերազմի մեջ մտնելու ձեր ցանկությունը։ Մենք ողջունում ենք այն փաստը, որ վրաց ժողովուրդն ընտրեց խաղաղությունը, իսկ կառավարությունը, եվրաինտեգրման իր ցանկության համատեքստում, թույլ չտվեց, որ երկիրը վերածվի երկրորդ Ուկրաինայի։ Եվրոպայում ընտրությունների արդյունքների շուրջ բանավեճը կշարունակվի, բայց դրան պետք չէ շատ ուշադրություն դարձնել։ Միշտ սպասեք մեր ռազմավարական գործընկերությանը ապագայում», - նշել է Հունգարիայի վարչապետ Վիկտոր Օրբանը։