Աննախադեպ առաջարկ Gyurjyan Cascade-ից և VEGA խանութների ցանցից

Այս ուրբաթ՝ հոկտեմբերի 25-ին, Մերիդիան ցուցահանդեսների կենտրոնում մեկնարկելու է Հայաստանի անշարժ գույքի շուկայի ամենասպասված իրադարձությունը՝ TOON EXPO 2024-ը։

Ցուցահանդեսին մասնակցելու են կառուցապատման և անշարժ գույքի ոլորտում գործող ավելի քան 100 խոշոր ընկերություններ։ Նրանց բացարձակ մեծամասնությունն արդեն իսկ ներկայացրել է էքսպոյի համար նախապատրաստած հատուկ առաջարկներն ու զեղչերը։

TOON EXPO-ին մասնակից ընկերությունների ներկայացրած հատուկ առաջարկներում առանձնապես աչքի է ընկնում Gyurjyan Cascade բնակելի թաղամասը, որը մրցունակ գներից զատ (ընկերությունն առաջարկում է բնակարաններ՝ սկսած 1ք/մ-ի համար 429.000 ՀՀ դրամից) իր գործընկեր ՎԵԳԱ խանութների ցանցի հետ համատեղ հանդես է եկել նաև աննախադեպ ակցիայով՝ 10% Cashback TOON EXPO 2024-ի ընթացքում ձեռք բերված բնակարանի ընդհանուր գնից։ Ընդ որում, եթե գնորդները որոշեն չկանխիկացնել Cashback-ի գումարն, այլ օգտագործել այն ՎԵԳԱ խանութների ցանցում, ապա կստանան լրացուցիչ 7-30% զեղչեր։

Ընդհանուր առմամբ, Էքսպոյին մասնակցող ընկերություններն իրենց կողմից կառուցվող շենքերում միջինում առաջարկում են 5% զեղչ։

Ցուցահանդեսի մուտքն այցելուների համար անվճար է, սակայն ցուցահանդեսին որպես այցելու մասնակցելու և խաղարկության կտրոն ձեռք բերելու համար հարկավոր է նախապես գրանցվել։