Իրանը չի ձգտում միջուկային զենք ձեռք բերել. Փեզեշքիան

Իրանը չի ձգտում միջուկային զենք ձեռք բերել, այլ նրան սպառնում են  ԱՄՆ-ն և Եվրոպան՝ ստիպելով հրաժարվել հրթիռների մշակումից։ Այս մասին երկրաի ղեկավարի պաշտոնը ստանձնելուց հետո առաջին ասուլիսի ժամանակ հայտարարել է Իսլամական պետության նախագահ Մասուդ Փեզեշքիանը։

«Մենք չենք փորձում միջուկային զենք ձեռք բերել։ Մեզ սպառնում են ԱՄՆ-ն և Եվրոպան՝ դադարեցնելու մեր հրթիռային ծրագրերը։ Եթե մենք չունենանք հրթիռներ, նրանք մեզ վրա ռումբեր կարձակեն, ինչպես դա արեցին Գազայի հատվածում»,-ասել է Փեզեշքիանը։

Նրա խոսքով՝ Իրանը երբեք չի ցանկացել որևէ հակամարտություն հրահրել, սակայն Իսրայելը փորձել է Թեհրանին ներքաշել պատերազմի մեջ՝ մայրաքաղաքում սպանելով ՀԱՄԱՍ-ի քաղբյուրոյի ղեկավար Իսմայիլ Հանիեին։