Ռուսաստանի և Չինաստանի հարաբերությունները հասել են աննախադեպ մակարդակի․ Պուտին

Ռուսաստանի և Չինաստանի Ժողովրդական Հանրապետության միջև հարաբերությունները հասել են աննախադեպ մակարդակի, երկրները մեծ ուշադրություն են դարձնում միջտարածաշրջանային համագործակցությանը։ Այս մասին հայտարարել է ՌԴ նախագահ Վլադիմիր Պուտինը ՉԺՀ փոխնախագահ Հան Չժենի հետ երկկողմ հանդիպման ժամանակ, փոխանցում է РИА Новости-ն։

«Համատեղ ջանքերի շնորհիվ Ռուսաստանի և Չինաստանի հարաբերությունները հասել են աննախադեպ բարձր մակարդակի։ Մենք մեծ նշանակություն ենք տալիս նաև միջտարածաշրջանային համագործակցությանը։  Հուսով եմ, որ այսօրվա հանդիպումների, Արևելյան տնտեսական ֆորումի վաղվա համատեղ աշխատանքի ընթացքում մենք կկարողանանք փնտրել և գտնել փոխգործակցության նոր ուղղություններ», - ասել Է Պուտինը WEF-ի շրջանակներում:

Արևելյան տնտեսական ֆորումը տեղի կունենա սեպտեմբերի 3-6-ը։