Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
«ՀՀ Գեղարքունիքի մարզում սահմանազատման հետ կապված որևէ գործընթաց դեռ չկա»,-այս մասին կառավարության նիստից հետո, լրագրողների հետ զրույցում, ասաց Գեղարքունիքի մարզպետ Կարեն Սարգսյանը։ Մարզպետին լրագրողները հիշեցրեցին նախկինում իր արած հայտարարությունը` եթե սկսվի սահմանազատման գործընթացը, ապա հակառակորդը 2021–22 թ. օկուպացված տարածքներից պետք է դուրս գա։ Հատկապես այն դիտարկմանը, որ Տավուշի մարզի Կիրանց գյուղի որոշ հատվածներից հակառակորդը հետ չի գնացել, և ի՞նչ վստահություն, որ սահմանազատման գործընթացի արդյունքում հետ կգնան Գեղարքունիքի մազպետը ինքնավստահ հայտարարեց․ «Եթե Գեղարքունիքում սահմանազատման գործընթացները սկսվեն, իրենք 2021–22 թ.Գեղարքունիքի օկուպացված տարածքներից պետք է դուրս գան։ Նախկինում ես այդպես եմ ասել։ Իմ վստահությունը նրանում է, որ սահմանազատումը նշանակում է՝ երկու երկրները ճանաչում են իրենց սահմանները, իսկ այդ դեպքում իրենք հետ են վերադառնալու և մեր օկուպացված տարածքները վերադարձնելու են»,- ասաց մարզպետը։
Նկատենք, որ Գեղարքունիքի մարզպետ Կարեն Սարգսյանն առաջին անգամը չէ, որ աչքի է ընկնում իր աղմկահարույց հայտարարություններով, ինչին Yerkir.am-ը մի քանի հրապարակումներով անդրադարձել է՝ ուշագրավ փաստեր հրապարակելով նաև նրա կենսագրության մասին։