Փարիզն ու Լոնդոնը կշարունակեն համագործակցությունը ընտրություններից հետո. Մակրոն

Ֆրանսիան և Մեծ Բրիտանիան կշարունակեն համագործակցությունը խորհրդարանական ընտրություններում Լեյբորիստական ​​կուսակցության հաղթանակից հետո։ Ինչպես տեղեկացնում է «ՌԻԱ Նովոստի»-ն, այդ մասին հայտարարել է Ֆրանսիայի նախագահ Էմանուել Մակրոնը՝ անդրադառնալով Մեծ Բրիտանիայում կայացած խորհրդարանական ընտրությունների արդյունքներին։

«Իմ շնորհավորանքները, Քիր Սթարմեր, ես գոհ եմ մեր առաջին զրույցից, մենք կշարունակենք աշխատանքը, որը սկսել ենք Մեծ Բրիտանիայի հետ երկկողմ համագործակցության, Եվրոպայում խաղաղության և անվտանգության, կլիմայի և արհեստական ​​ինտելեկտի վերաբերյալ»,-ասել է Ֆրանսիայի նախագահը:

Ավելի վաղ հայտնել էինք, որ հուլիսի 4-ին տեղի ունեցան Մեծ Բրիտանիայի խորհրդարանի ընտրությունները, որոնց արդյունքում հաղթանակ տարավ լեյբորիստական ​​կուսակցությունը։ Խորհրդարանական ընտրություններում հաղթած կուսակցության առաջնորդ Քիր Սթարմերը ստանձնում է երկրի վարչապետի պաշտոնը և ձևավորում կառավարություն։