կարևոր
10060 դիտում, 1 ամիս առաջ - 2024-04-16 17:58
Տարածաշրջան Քաղաքական

ՌԴ-ն արտատարածաշրջանային ուժ չէ․ ՀՀ-ում Իրանի դեսպան

Հաշվի առնելով Իրանի այն դիրքորոշումը, որ դեմ է Հարավային Կովկասում արտատարածաշրջանային ուժերի ներկայությանը՝ Երևանում հրավիրված ասուլիսում լրագրողներից մեկը Հայաստանում Իրանի դեսպանից փորձել է ճշտել, թե ի՞նչ նկատի ունի նա՝ արտատարածաշրջանային ուժեր ասելով։ 

Դեսպան Սոբհանին պատասխանել է, որ եթե դիտարկենք աշխարհագրությունը, հստակ երևում է, և կհասկանանք, որ Իրանն ունի ընդհանուր սահման Հայաստանի ու Ադրբեջանի հետ, Թուրքիան ունի սահման Հայաստանի ու Վրաստանի  հետ, Ռուսաստանը՝ Վրաստանի և Ադրբեջանի հետ սահման ունի։ «Արտատարածաշրջանային ուժեր ասելով՝ նկատի ունենք օվկիանոսից այն կողմում  գտնվող երկրներին։ Այսինքն՝ օվկիանոսի այն կողմից գալիս են այստեղ ու այս տարածաշրջանի ժողովուրդների համար որոշումներ կայացնում։

ՌԴ-ն Կովկասի հետ սահման ունի, ՌԴ-ն արտատարածաշրջանային ուժ չէ»,- ասաց ՀՀ-ում ԻԻՀ դեսպանը՝ հավելելով, որ խոսը ԵՄ որոշ երկրների ու ԱՄՆ-ի մասին է։

Սոբհանին վերջում նշեց, որ լրագրողի հարցը համոզիչ չէր ու անհասկանալի էր, քանի որ դա շատ պարզ իրողություն է։