կարևոր
3013 դիտում, 2 ամիս առաջ - 2024-04-09 17:04
Քաղաքական

Ադրբեջանի ԱԳՆ-ը կարող է հաստիքների կրճատում անել ու որոշ ՔՊ-ականների գործի ընդունել․ Իշխան Սաղաթելյան

Ադրբեջանի ԱԳՆ-ը կարող է հաստիքների կրճատում անել ու որոշ ՔՊ-ականների գործի ընդունել։ Այս մասին փակ նիստից հետո, լրագրողների հետ զրույցում ասաց ՀՅԴ Հայաստանի ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։

Հիշեցնենք, որ «Հայաստան» և «Պատիվ ունեմ» խմբակցությունները հրատապ նիստի էին հրավիրել՝ ՀՀ-ի և Ադրբեջանի միջև սահմանազատման ու սահմանագծման թեմայով ու հայտարարության նախագիծ ներկայացրել։ Սաղթելյանը տեղեկացրեց, որ իրենց առաջարկած լուծումները տեղ են գտել տվյալ հայտարարությունում, բայց քննարկումից տպավորություն է ստացել, որ ՔՊ-ն դեմ կքվեարկի այդ հայտարարությանը։ 

«Մեկ անգամ ևս համոզվեցինք, որ երկիրը գտնվում է մի ուժի ձեռքում, որը շարունակելու է զիջել։ Մեկ անգամ ևս ակնհայտ դարձավ, որ իրականում սահմանազատման ևահմանագծման աշխատանք չկա՛ իրականում Հայաստան-Ադրբեջան բանակցություններ չկա՛։ Կա՛ Ադրբեջանի կողմից Հայաստանին ներկայացվող կապիտուլացիոն պահանջներ, որոնց այս իշխանությունը մտադիր է առնվազն տեղիք տալ և գնալ նոր կապիտուլյացիայի» ,-նշեց ընդդիմադիր գործիչը։

Սաղաթելյանի գնահատմամբ՝այն քաղաքական գիծը, որ իրականացնում է այս մահաբեր իշխանությունը, բերելու է նոր կորուստների և նոր պատերազմ։ Սրանք իրենց պահվածքով՝ լեգիտիմացնում են Ադրբեջանի առաջիկա ագրեսիան ՀՀ-ի նկատմամբ։

Մանրամասն՝ տեսանյութում