Քաղաքապետն այսօրվա Երևանը համեմատում է ոչ թե 70-ականների, այլ` 30-ականների Երևանի հետ

Այսօր Հանրապետության հրապարակին հարակից պուրակում հանդիսավորությամբ  բացվեց Գարեգին Նժդեհի արձանը: Քաղաքապետ Տարոն Մարգարյանը լրագրողների հետ զրույցում պատասխանելով այն հարցին, թե ինչու՞ են երևանցիները կարոտում 70-80-ականների Երևանը և չեն կարողանում սիրել ժամանակակից Երևանը, պատասխանեց, որ ր Երևանն իր տեղն ունի բոլոր ժամականաշրջաններում:

«Երևանը զարգացող քաղաք է, և մենք չենք կարող միշտ մնալ 60-ական, 70-ական թվականների Երևանում: Խոսում են նաև 30-ականների Երևանի մասին, համեմատեք 30-ականների Երևանը այսօրվա Երևանի հետ»,- ասաց քաղաքապետը:

Նրա խոսքով` վերջին շրջանում Երևանում ավելացել են պուրակները, բարեկարգվել են այգիներ, և ինքն էլ ազատ ժամանակ ունենալու դեպքում զբոսնում է հենց այդ պուրակներում:

Նա խոստովանեց, որ մի շարք խնդիրներ կան Երևանում, առաջնային է տրանպորտի խնդիրը, կանաչ տարածքների ավելացման ու քաղաքշինական-ճարտարապետական խնդիրները, բազմաբնակարան շենքերի ֆոնդի պահպանման ու վերելակների խնդիրները և այլն: