Մակրոնը երրորդ անգամ հետաձգել է այցն Ուկրաինա

Ֆրանսիայի նախագահ Էմանուել Մակրոնի այցն Ուկրաինա երրորդ անգամ հետաձգվել է այն բանից հետո, երբ այցը պլանավորվել էր փետրվարից, հայտնում է RFI-ն։

Ֆրանսիայի նախագահը ի սկզբանե ասել էր, որ փետրվարին ծրագրում է անվտանգության երկկողմ համաձայնագիր ստորագրել Ուկրաինայի նախագահ Վլադիմիր Զելենսկու հետ, սակայն այցը հետաձգվել էր։

Դիվանագետներն ասում են, որ երկրորդ ժամկետը նախատեսված էր մարտի սկզբին, սակայն այն հետաձգվեց այս շաբաթվա վերջին:

Ելիսեյան պալատը հայտնել է, որ երկու պետությունների ղեկավարները պայմանավորվել են սերտ կապ պահպանել, մասնավորապես՝ կապված նախագահի Ուկրաինա կատարելիք այցի հետ, որը պետք է կայանա առաջիկա շաբաթներին։

Այցի հետաձգումը տեղի ունեցավ մի քանի օր անց այն բանից հետո, երբ ռուսական հրթիռը Օդեսայում բավական մոտ էր թռել Ուկրաինայի նախագահին և Հունաստանի վարչապետին: Նախատեսված էր նաեւ Մակրոնի այցը սեւծովյան նավահանգիստ։

Վերջին շաբաթներին Ֆրանսիայի նախագահն ավելի կոշտ դիրքորոշում է որդեգրել Ռուսաստանի դեմ՝ մեղադրելով նրան Ֆրանսիայի և Եվրոպայի նկատմամբ ագրեսիվ պահվածքի մեջ։

Նա կոչ է արելեվրոպացի դաշնակիցներին ավելին անել Ուկրաինային օգնելու համար և բախվեց արևմտյան շատ դաշնակիցների արձագանքին այն բանից հետո, երբ նա ասաց, որ չպետք է բացառել Ուկրաինա արևմտյան զորքեր ուղարկելու գաղափարը:

Ֆրանսիայի նախագահը դիտարկում է հարցը, թե արդյոք ընդլայնել այցը Ուկրաինա՝ ներառելով Արևմտյան այլ պետությունների ղեկավարներին, որոնք կմիանան Մակրոնի հետ, այլ ոչ թե պարզապես երկկողմ այց՝ դաշնակիցների միջև միասնություն և Կիևի հետ համերաշխություն ցույց տալու համար: