կարևոր
3046 դիտում, 7 ամիս առաջ - 2023-06-26 09:32
Քաղաքական

Մոլդովայում գագաթնաժողովից հետո Մակրոնը զանգահարել է Մուրադ Փափազյանին. Մակրոնը միակն էր, ով պաշտպանել է հայերի շահերը

Մոլդովայում գագաթնաժողովից հետո Մակրոնը զանգահարել է Մուրադ Փափազյանին. Մակրոնը միակն էր, ով պաշտպանել է հայերի շահերը

Տեղեկություններն առ այն, որ Ֆրանսիայի նախագահ Էմանուել Մակրոնը Մոլդովայում Եւրոպական քաղաքական համայնքի գագաթնաժողովից հետո հեռախոսային կապ է հաստատել Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանի հետ, համապատասխանում են իրականությանը, նշում է ֆրանսիական ArmActu կայքը:

Իր նախագահական ինքնաթիռ նստելուց անմիջապես հետո, Մուրադ Փափազյանը զանգ ստացավ։ Մակրոնը մեծապես դժգոհեց այն ձեւից, թե ինչպես անցավ գագաթնաժողովը։ Նա փաստացիորեն միակը եղավ, ով գագաթնաժողովում պաշտպանեց հայկական շահերը։ Նախագահ Ալիևը շատ հաստատակամ իրեն դրսևորեց և լսելի դարձրեց իր ձայնը։ Նախագահ Շառլ Միշելը անցավ Ադրբեջանի կողքին։ Իսկ Փաշինյանը իրեն դրսևորեց շատ ինքնամփոփ, քաշված և շատ թույլ։ Արցախահայության շահերի միակ պաշտպանը լինելը նախագահ Մակրոնին դրեց շատ անհարմար դրության մեջ։