02 05 2024
|
||
---|---|---|
EUR | ⚊ | 414.92 |
GBP | ⚊ | 485.04 |
GEL | ⚊ | 144.8 |
RUB | ⚊ | 4.22 |
USD | ⚊ | 387.63 |
Մոսկվան ցավում է, որ Երևանը որոշեց վարել Ռուսաստանի Դաշնության հետ հարաբերությունները վատթարացնելու և Ղարաբաղի հարցում Մոսկվային մեղադրելու քաղաքականություն։ Այս մասին ասել է ՌԴ ԱԳ նախարար Սերգեյ Լավրովը, փոխանցում է РИА Новости-ն։
«Ցավում ենք, որ Հայաստանի ղեկավարությունը, ըստ երևույթին, գիտակցված որոշում է կայացրել հետևողականորեն գնալ Ռուսաստանի Դաշնության հետ հարաբերությունների վատթարացման ուղղությամբ՝ մեղադրելով Ռուսաստանին այն ամենի համար, ինչ տեղի ունեցավ Լեռնային Ղարաբաղի հետ, իհարկե, դա դաշնակցային ձև չէ», - ասել է Լավրովը։
Նա հիշեցրել է՝ Ռուսաստանն էր, որ դադարեցրեց պատերազմը Լեռնային Ղարաբաղում, և պատերազմը կարող էր դադարել ավելի վաղ։
«Երբ ադրբեջանցիները դեռ չէին գրավել Շուշին, այն ժամանակ Նիկոլ Փաշինյանը, ի պատասխան Վլադիմիր Պուտինի կոչերին, ասաց՝ ոչ, մենք պայքարելու ենք մինչև վերջ։ Դե, խնդրեմ», - ասել է Լավրովը։