Սիրիայի ՀՕՊ–ը հետ է մղել Իսրայելի ռազմաօդային ուժերի հարձակումը

Սիրիայի հակաօդային պաշտպանության ուժերը Դամասկոսի նահանգում խոցել են իսրայելական օդուժի երկու կործանիչների արձակած հրթիռները: Այս մասին հայտարարել է Սիրիայի Արաբական Հանրապետությունում պատերազմող կողմերի հաշտեցման ռուսական կենտրոնի ղեկավարի տեղակալ, փոխծովակալ Վադիմ Կուլիտը. հայտնում է Life-ը:

Նրա խոսքով՝ հրթիռներն արձակվել են այսօր՝ 05:40-ից 05 54-ի սահմաններում, F-16 կործանիչներով, որոնք թռչել են Սիրիայի օդային տարածքից դուրս: Հրթիռներն արձակվել էին դեպի Սեյդաթ-Զեյնաբ բնակավայրի տարածքը:

Հրթիռները խոցվել են ռուսական արտադրության Buk-M2E համալիրներից, որոնք սիրիական հակաօդային պաշտպանության ուժերի զինանոցում են: