Փոխարժեքներ
03 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Սիրիայի հակաօդային պաշտպանության համակարգերը երկուշաբթի հետ են մղել իսրայելական հրթիռային հարձակումը Դամասկոսի մատույցներում: Այդ մասին երկուշաբթի հայտնել է SANA գործակալությունը:
«Այսօր՝ ժամը 01:18-ին, թշնամին հրթիռային հարվածներ է հասցրել գրավված Գոլանի բարձունքներից, ինչպես նաև Գալիլեայից՝ խոցելով Դամասկոսի շրջակայքում գտնվող որոշ թիրախներ»,- գործակալությունը մեջբերում է ռազմական աղբյուրին:
Ըստ աղբյուրի՝ սիրիական ուժերին հաջողվել է խոցել հրթիռների մեծ մասը: Զոհերի և ավերածությունների մասին տեղեկատվություն չի տրամադրվում:
Ավելի վաղ գործակալությունը տեղեկացրել էր, որ Սիրիայի հակաօդային պաշտպանությունը կրակում է Դամասկոսից արևմուտք գտնվող գյուղական շրջանների օդային թիրախների ուղղությամբ: Սիրիայի մայրաքաղաքի արևմտյան ծայրամասերում՝ օդում պայթյուններ են լսվել:
Իսրայելի պաշտպանության ուժերը հրաժարվել են մեկնաբանել հրթիռային հարվածների մասին հաղորդագրությունները: «Մենք չենք մեկնաբանում արտասահմանյան լրատվամիջոցների հաղորդագրությունները»,- երկուշաբթի բանակի մամուլի ծառայության ներկայացուցիչը հեռախոսով պատասխանել է ՏԱՍՍ-ի՝ մեկնաբանելու խնդրանքին: