17 05 2024
|
||
---|---|---|
EUR | ⚊ | 421.93 |
GBP | ⚊ | 491.67 |
GEL | ⚊ | 139.73 |
RUB | ⚊ | 4.27 |
USD | ⚊ | 388.09 |
ԱՄՆ նախագահ Ջո Բայդենը կարծում է, որ Իսրայելի վարչապետ Բենիամին Նեթանյահուի քաղաքական կարիերան մոտենում է ավարտին։ Այսպիսի հայտարարություն է արել չորեքշաբթի Politico թերթը՝ վկայակոչելով ամերիկյան վարչակազմի աղբյուրները։
Ինչպես գրում է պարբերականը, Սպիտակ տունը «կարծում է, որ Նեթանյահուի օրերը հաշված են», և նա «կդիմանա մի քանի ամիս կամ մինչև Գազայի հատվածում իսրայելական ռազմական գործողության սկզբնական փուլի ավարտը»։
Politico-ն նշում է, որ Բայդենը Նեթանյահուի հետ առանձնազրույցում քննարկել է վարչապետի պաշտոնում իր ապագա հեռանկարները և նրան հրավիրել «մտածել, թե ինչ սցենար կառաջարկի իր իրավահաջորդին»։
Թերթի տվյալներով՝ ամերիկյան վարչակազմի ներկայացուցիչները բանակցում են Իսրայելի նախկին վարչապետ Նաֆթալի Բենեթի, ընդդիմության առաջնորդներից մեկի՝ պաշտպանության նախկին նախարար Բենի Գանցի և խորհրդարանական ընդդիմության առաջնորդ Յաիր Լապիդի հետ։