կարևոր
1891 դիտում, 9 ամիս առաջ - 2023-08-22 15:24
Քաղաքական

Պետք է լինի ոչ միայն անձերի, այլ հակազգային երեւույթների դեմ անկոտրուն պայքար․ Էդուարդ Շարմազանով

Պետք է լինի ոչ միայն անձերի, այլ հակազգային երեւույթների դեմ անկոտրուն պայքար․ Էդուարդ Շարմազանով

ՀՀԿ խոսնակ Էդուարդ Շարմազանովը գրում է․

«Պետք է լինի ոչ միայն անձերի, այլ հակազգային երեւույթների դեմ անկոտրուն պայքար։

Ինչո՞ւ չի ստացվում հեռացնել Նիկոլին։

Որովհետեւ…

1. Պետք է պայքարել ոչ թե միայն Նիկոլի, այլ նիկոլիզմի դեմ։

2. Ով Նիկոլին դեմ է իմ դաշնակիցն է՝ սխալ ու ոչ արդյունավետ թեզ է։

3. Այսօր Նիկոլի դեմ խոսում են և՛ ազգային-պահպանողականները, և՛ ավանդական ազգային քաղաքական ուժերը, և՛ լիբերալները, և՛ աշխարհաքաղաքական «լեգեոներները», և՛ Արեւմուտքի «վեցնոցները», և՛ քաղաքական տրանսգենդերները։

Պայքարը պետք է լինի հանուն, այլ ոչ՝ ընդդեմ։

Հանուն ՀՀ-ի ու Արցախի։

Հանուն ազգային-պետական արժեքների։

Հանուն ավանդական ու Հայ Եկեղեցու քարոզած արժեքների։

Թե չէ խառնել ենք ամեն ինչ իրար ու այս քաղաքական աջաբսանդալի մեջ ուզում ենք արդյունք լինի։

Սխալ է կարծել, թե Նիկոլը գնա, ով ուզում է գա՝ արդյունավետ ու ճիշտ թեզ է։

Նիկոլն ու նիկոլիզմը պետք է հեռանան, բայց փոխարեն պետք է հրապարակ գան իզմեր ունեցող ու ազգային պետականության ջատագով ուժեր։

Հակառակ պարագայում Նիկոլի գնալն իմաստ չի ունենալու։

Պետք է պայքարել հանուն մեր ազգային-պետական արժեքների վերականգնման։

Նիկոլի «ուսուցիչ» Բոլթոնն ասում էր. «Հայ ժողովուրդը պետք է ազատվի իր պատմական կաղապարներից»։

Մենք էլ պիտի ասենք. «Հայ ժողովուրդը պետք է վերադառնա իր պատմական արժեքներին եւ «կաղապարներին»։

Սա է միակ ճիշտ լուծումը»։