Աղթամար կղզի մուտքի վճարը եռապատկվել է

Վանա լճի վրա գտնվող Աղթամար կղզի մուտքի վճարը նախկին 60 թուրքական լիրայից բարձրացել է 150 թուրքական լիրայի։ Երեք ու կես անգամ թանկացել է նաև ցանկացողներին կղզի հասցնող զբոսանավերի տոմսի գինը։ Այդ մասին, Akunq.net-ի փոխանցմամբ, հաղորդում է թուրքական «Դուվար» օրաթերթի լրագրողներից Քադիր Ջեսուրը։

Թուրք լրագրողը նաև հիշեցնում է, որ ամեն տարի հազարավոր տեղաբնակ և օտարերկրացի զբոսաշրջիկներ են այցելում Աղթամար, և որ անցյալ տարվա հուլիս ամսին կղզի մուտքի վճարն արդեն իսկ բարձրացել էր՝ 45 թուրքական լիրայից դառնալով 60 թուրքական լիրա։ 8 ամիս հետո յուրաքանչյուր անձի մուտքի վճարն արդեն գրեթե եռապատկվել է՝ դառնալով 150 թուրքական լիրա։

Հիշեցնենք, որ Աղթամար կղզու վրա է գտնվում պատմական հայկական Սուրբ Խաչ եկեղեցին, որը 2010 թ․ թուրքական իշխանությունների կողմից վերաբացվել է որպես թանգարան։ Սույն եկեղեցում թուրքական պետությունը թույլ է տալիս պատարագ մատուցել տարեկան միայն մեկ անգամ։ Հիշեցնենք նաև, որ Աղթամար կղզի և հատկապես Սուրբ Խաչ եկեղեցի այցելուների շնորհիվ թուրքական իշխանությունները մեծ եկամուտներ են ապահովում։

https://www.gazeteduvar.com.tr/akhtamar-adasina-giris-ve-tekne-ucretine-zam-ziyaretin-maliyeti-210-tl-oldu-haber-1611252

Թարգմանեց Մելինե Անումյանը

Akunq.net