կարևոր
8032 դիտում, 1 տարի առաջ - 2023-03-09 23:29
Աշխարհ Արցախ

ԵՄ-ն Ադրբեջանին կոչ է անում վերադառնալ մինչեւ սեպտեմբերի 12-ի սահմանները․ Նիդերլանդների ԱԳ նախարար

ԵՄ-ն Ադրբեջանին կոչ է անում վերադառնալ մինչեւ սեպտեմբերի 12-ի սահմանները․ Նիդերլանդների ԱԳ նախարար

Նիդերլանդների հայկական կազմակերպությունների ֆեդերացիան տեղեկացնում է, որ ի պատասխան խորհրդարանական մի քանի խմբակցությունների՝ Դավոսում Նիդերլանդների եւ Ադրբեջանի ղեկավարների հանդիպման վերաբերյալ հարցերին, Նիդերլանդների արտգործնախարար Վոպկե Հուքստրան, տեղեկացրել է Դավոսում հունվարին վարչապետ Ռյուտեի եւ Նախագահ Ալիեւի միջեւ կայացած հանդիպումը նախաձեռնվել է նիդերլանդական կողմից՝ Լաչինի միջանցքի շրջափակման հետեւանքով մտահոգությունները փոխանցելու նապատակով, որի ընթացքում Նիդերլանդների վարչապետն ընգծել է, որ Լեռնային Ղարաբաղի քաղաքացիական բնակչությունը չպետք է քաղաքական իրավիճակի զոհ դառնա եւ կարեւորել է Լաչինի միջանցքի ապաշրջափակումը՝ ի կատարումն 2020 թ. եռակողմ համաձայանգրի։

ԱԳ նախարարը տեղեկացրել է, որ Նիդերլանդները ԵՄ եւ ԵԽ շրջանակներում եւս ակտիվորեն աշխատում են Լաչինի միջանցքի ապաշրջափակման նպատակով՝ նշելով, նաեւ որ Ադրբեջանը վատ է կատարում ՄԻԵԴ վճիռները։

Խորհրդարանականների հարցերի պատասխաններում Նիդերլանդների ԱԳ նախարարը հաստատում է, որ Ադրբեջանը Ռուսաստանից գազ է ներկրում Եվրամիության հանդեպ իր պարտավորությունների կատարումը ապահովելու համար եւ ընդգծում, որ այդ հարցը բարձրացվելու է Եվրահանձնաժողովի կողմից։

Նախարար Վոպկե Հուքստրան վերահաստատել է Ադրբեջանի կողմից Հայաստանի տարածքի օկուպացիան՝ ընդգծելով, որ ԵՄ-ն կոչ է անում Ադրբեջանին վերադառնալ մինչեւ 12.09.2022թ. սահմանները։

Պատասխաններում նախարարն անդրադարձել է նաեւ Ադրբեջանում ապօրինի պահվող հայ ռազմագերիների խնդրին՝ հավաստաիցնելով, որ վերջիններիս հայրենադարձման անհրաժեշտությունը մշտապես բարձրացվում է Ադրբեջանի պաշտոնյաների հետ բանակցություններում։