կարևոր
2350 դիտում, 1 տարի առաջ - 2023-01-31 15:50
Քաղաքական

Արցախում միջազգային հանրության գործնական քայլերի ձեռնարկումն անհրաժեշտություն է. Արցախի ՄԻՊ

Արցախում միջազգային հանրության գործնական քայլերի ձեռնարկումն անհրաժեշտություն է. Արցախի ՄԻՊ

Արցախի մարդու իրավունքների պաշտպան Գեղամ Ստեփանյանը «Ouest France»-ին մեկնաբանել է Ադրբեջանի կողմից Արցախի շրջափակման հետևանքով առաջացած հումանիտար իրավիճակը։

«Մարդու իրավունքների պաշտպան Գեղամ Ստեփանյանը հարցազրույց է տվել ֆրանսիական «Ouest France» լրատվականին, որում անդրադարձել է դեկտեմբերի 12-ից ադրբեջանական կեղծ էկոակտիվիստների կողմից Լաչինի միջանցքի շրջափակմանը և դրա հետևանքով երկրում առաջացած հումանիտար ճգնաժամին և բնակչության հիմնարար իրավունքների շարունակվող խախտումներին:

Պաշտպանն ընդգծել է միջազգային հանրության գործնական քայլերի ձեռնարկման անհրաժեշտությունը, մասնավորապես` համապատասխան միջազգային առաքելությունների ներկայությունը` տեղում ծանոթանալու իրավիճակին և միջոցներ ձեռնարկելու Արցախի ժողովրդի անվտանգ ապրելու իրավունքը երաշխավորելու համար»,- հայտնում են Արցախի ՄԻՊ-ի աշխատակազմից՝ կից տեղադրելով նաև հարցազրույցի հղումը։