Պեգովի ոտքը անդամահատել են, բայց խոստացել են 1 ամսում աճեցնել իր ցողունային բջիջներից

Ռազմական լրագրող Սեմյոն Պեգովը մեկնաբանություն է տվել ուկրաինական մամուլում հայտնված այն լուրի առնչությամբ, համաձայն որի՝  ծանր վնասվածքից հետո կտրվել է նրա ոտքը։

«Ելնելով այն հանգամանքից, որ ուկրաինական մամուլին հաջողվել է բացահայտել իմ ծանր վնասվածքի մասին ճշմարտությունը, հարկ եմ համարում հայտնել հետևյալը. այո՛, նրանք իսկապես կտրեցին իմ ոտքը, բայց հենց հիմա ՌԴ ԳԱ Սիբիրի մասնաճյուղի բջջաբանության և գենետիկայի ինստիտուտի աշխատակիցներն այն աճեցնում են իմ ցողունային բջիջներից և խոստանում են աճեցնել մեկ ամսվա ընթացքում։ Դրան կհաջորդի բարդ վիրահատություն, բայց ամեն ինչ շատ դրական է։ Թերևս դա տեղի կունենա ավելի արագ, սա նման առաջին փորձն է»,- գրել է Սեմյոն Պեգովը։ 

Ավելի վաղ հայտնի էր դարձել, որ Պեգովը Դոնբասում պայթել է ականի վրա։