Այլևս անհնար է մեկտեղել Ոստիկանությունում ծառայությունն ու ազգային-պետական շահը. պահեստազորի ավագ լեյտենանտ

Պահեստազորի ավագ լեյտենանտ Վահրամ Մարգարյանը զեկուցագիր է ներկայացրել ոստիկանությունում ծառայությունը դադարեցնելու վերաբերյալ: Նա այդ առթիվ հայտարարություն է տարածել, որը ներկայացնում ենք ստորև. 

«Հարգելի՛ ծառայակից ընկերներ, ես որոշ ժամանակ է արդեն դուրս եմ եկել Ոստիկանությունից...
Տարիներ շարունակ ծառայել եմ օրենքին ու իրավունքին՝ այդ կերպ ծառայելով պետությանս ու ժողովրդիս, մինչդեռ այսօր դուք ստիպված եք դուրս գալ նույն ժողովրդի դեմ, նույն պետության դեմ, որի դեպքում կժխտեք ձեր սպայական երդումը։

Տղե՛րք, վստահ եմ՝ իրավիճակը փոքր-ինչ խորաթափանց վերլուծելու դեպքում ինքներդ կհամոզվեք՝ ես ճիշտ եմ, կհասկանաք՝ այլևս անհնար է մեկտեղել Ոստիկանությունում ծառայությունն ու ազգային-պետական շահը, ուստի անկարելի է որևէ կերպ իրակնացնել գործունեություն, որ կհակասի տղամարդկային արժանապատվությանն ու սպայական պատվին՝ պատիվ ունեմ։

Գնացեք արժանապատիվ և բացճակատ, գնացեք հանունի համար։

Պահեստազորի ավագ լեյտենանտ
Վ.Ա.Մարգարյան»: