կարևոր
4300 դիտում, 4 ամիս առաջ - 2022-09-27 17:15
Քաղաքական

Լևոն Տեր-Պետրոսյանն առաջարկեց ոչ թե հայրենիքը, այլ Նիկոլ Փաշինյանին փրկելու ծրագիր. Իշխան Սաղաթելյան

«Ինչ-որ տեղ բնական եմ համարում Լևոն Տեր-Պետրոսյանի պատրաստակամությունը, որ պատրաստ է պատասխանատվություն կրել Նիկոլ Փաշինյանի նոր կապիտուլյացիա ստորագրելու պարագայում։ Բայց, առնվազն, Դաշնակցության անունից կարող եմ հստակ ասել, որ  ոչ միայն չենք խրախուսում և պատրաստ ենք օգնել, որպեսզի Նիկոլ Փաշինյանը երկիրը տանի նոր կապիտուլյացիայի, այլ մեզ հասու բոլոր միջոցներով  փորձելու ենք կանխել , խոչընդոտել, այդ թվում՝  հեռացնել  իշխանությունից, որպեսզի  երկիրը չբերի նոր կապիտուլյացիայի»,-այս մասին News.am-ին տված հարցազրույցում ասաց ՀՅԴ ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանը։

«Լևոն  Տեր-Պետրոսյանը նույն բառերն ասել  է 1992  և 1997 թվականներին․  իր տեսակետն է եղել, որ այլ տարբերակ չկա, պետք է հանձնել Արցախը,  Ադրբեջանի և Թուրքիայի հետ կնքել «խաղաղության» պայմանագիր, բայց նրան իշխանությունից հեռացնելուց հետո փաստվեց , որ ճանապարհ կա․  եկավ նոր իշխանություն,  ցույց տվեց, որ այլ ճանապարհ կա, երկիրը 20 տարի  ապրեց խաղաղ, տնտեսությունըբ զարգացավ , բանակը վերակառուցվեց»,-ասաց Իշխան Սաղաթելյանը։  

News.am-ի հարցազրույցը ՀՅԴ Հայաստանի ԳՄ ներկայացուցիչ Իշխան Սաղաթելյանի հետ` տեսանյութում: