Թուրքիան և Գերմանիան կլինեն Ուկրաինայի անվտանգության առաջին երաշխավորները. Արախամիա

ՆԱՏՕ-ի անդամ երկու երկրներ պաշտպանել են Ուկրաինայի անվտանգությունը երաշխավորելու առաջարկները՝ Կիևի հնչեցրած հայեցակարգի շրջանակներում․ հայտարարել է Ռուսաստանի հետ բանակցային գործընթացում ուկրաինական պատվիրակության ղեկավար, պատգամավոր Դավիլ Արախամիան։

Նա նշել է, որ Կիևը ողջունում է Ռեջեփ Թայիփ Էրդողանի դիրքորոշումը, որը հայտնել է Թուրքիայի պատրաստակամությունը՝ առաջարկվող հայեցակարգին համապատասխան, դառնալ Ուկրաինայի անվտանգության երաշխավոր։

Արախամիան նաև հիշեցրել է, որ երեկ Գերմանիան է պատրաստակամություն հայտնել անվտանգության երաշխիքներ տրամադրել Ուկրաինային։

«Այսինքն՝ այսօր ՆԱՏՕ-ի անդամ երկու հզոր երկրներ արդեն աջակցել են մեր առաջարկներին»,- հավելել է Արախամիան։