Լեհաստանի արտգործնախարար և ԵԱՀԿ նախագահ Ռաուն մարտի 29-ից ապրիլի 1-ը կայցելի Հայաստան, Վրաստան, Ադրբեջան

ԵԱՀԿ գործող նախագահ, Լեհաստանի արտգործնախարար Զբիգնև Ռաուն մարտի 29-ից ապրիլի 1-ը կայցելի Հայաստան, Վրաստան, Ադրբեջան։

Ըստ ԵԱՀԿ-ի՝ Վրաստան կատարած այցի ընթացքում Զբիգնև Ռաուն կհանդիպի նախագահ Սալոմե Զուրաբիշվիլիի, վարչապետ Իրակլի Ղարիբաշվիլիի, փոխվարչապետ և արտաքին գործերի նախարար Դավիթ Զալկալիանիի և խորհրդարանի առաջին փոխխոսնակ Գիա Վոլսկու հետ։

Ինչ վերաբերում է Ադրբեջան այցին, ապա նախատեսվում են ԵԱՀԿ գործող նախագահի հանդիպումները Իլհամ Ալիեւի եւ Ջեյհուն Բայրամովի հետ։ 

Զբիգնև Ռաուն Հայաստանում հանդիպումներ կունենա նախագահ Վահագն Խաչատրյանի, վարչապետ Նիկոլ Փաշինյանի և արտգործնախարար Արարատ Միրզոյանի հետ։

Զբիգնև Ռաուի այցի նպատակը Հարավային Կովկասում խաղաղ համագործակցության, երկխոսության և կայունության հասնելն է։