ՆԱՏՕ-ի գլխավոր քարտուղարը կայցելի Հայաստան, Ադրբեջան և Վրաստան․ օրակարգը հայտնի է

2024 թվականի մարտի 17-ից 19-ը ՆԱՏՕ-ի գլխավոր քարտուղար Յենս Ստոլտենբերգը կայցելի Հայաստան, Ադրբեջան և Վրաստան։ ՆԱՏՕ-ի պաշտոնական էջում հրապարակված է օրակարգը։

Կիրակի օրը՝ մարտի 17-ին, ՆԱՏՕ-ի գլխավոր քարտուղարը կլինի Բաքվում, որտեղ կհանդիպի Ադրբեջանի նախագահ Իլհամ Ալիևի հետ։

Երկուշաբթի օրը՝ մարտի 18-ին, պարոն Ստոլտենբերգը քննարկումներ կունենա Ադրբեջանի արտաքին գործերի նախարար պարոն Ջեյհուն Բայրամովի և Ադրբեջանի պաշտպանության նախարար գեներալ-գնդապետ Զաքիր Հասանովի հետ։

Նույն օրը ՆԱՏՕ-ի գլխավոր քարտուղարը կմեկնի Թբիլիսի։ Այնտեղ նա կհանդիպի Վրաստանի նախագահ տիկին Սալոմե Զուրաբիշվիլիի և վարչապետ Իրակլի Կոբախիձեի հետ։

Երեքշաբթի օրը՝ մարտի 19-ին, Ստոլտենբերգը կլինի Երևանում, որտեղ կհանդիպի Հայաստանի նախագահ Վահագն Խաչատուրյանի և վարչապետ Նիկոլ Փաշինյանի հետ։