Թուրքիան շարունակում է Սև ծովում գազի որոնումները

Türkiye Petrolleri-ն 2022 թվականի փետրվարի 16-ին գործարկել է Սև ծովում գազ գտնելու նախագծի հաջորդ փուլը։ Ընկերությունը զբաղվում է Սաքարյա հանքավայրի երկրաբանական հետախուզմամբ. հայտնում է ՏԱՍՍ-ը։

Թուրքիան մտադիր է ինքնուրույն շահագործել Սաքարյա գազի հանքավայրը։ Ռեջեփ Թայիփ Էրդողանն այդ հանքավայրի հայտնաբերման մասին հայտարարել է 2020 թվականի օգոստոսին։ Ըստ նախնական գնահատումների՝ այն պարունակում է մոտ 180 մլրդ դոլարի պաշարներ։ Այս պահին դրա տարածքում շարունակվում են երկրաբանական հետազոտությունները, որոնք իրականացնում է Türkiye Petrolleri-ն՝ օգտագործելով Fatih նավը։

Ընկերությունը նախագծի հաջորդ՝ երրորդ փուլը սկսել է 2022 թվականի փետրվարի 16-ին։ Այս մասին Twitter-ում գրել է Թուրքիայի էներգետիկայի նախարարության ղեկավար Ֆաթիհ Դյոնմեզը։

Աշխատանքներ են տարվում 5000 մետր խորության վրա։ Հաղորդվում է, որ երրորդ հետախուզական հորատումը կտևի 2,5 ամիս։ Ընդհանուր առմամբ, ընկերությունը մտադիր է 40 հորատանցք հորատել։ Սաքարյայի գազի հայտնի պաշարները կազմում են մոտ 540 միլիարդ խորանարդ մետր։