Փոթորիկ Սեւ ծովում. Վրացական լողափերում զբոսաշրջիկներ են խեղդվել

Աջարիայի փրկարարական ծառայությունները Սեւ ծովում  2-3 բալանոց փոթորիկ  են գրանցել, ինչի հետեւանքով  վրացական լողափերում զբոսաշրջիկներին արգելում են լողալ: Սակայն վրացի փրկարարներն ահազանգում են, որ չնայած լողափերում տեղադրված կարմիր դրոշակներին, զբոսաշրջիկները չեն ենթարկվում իրենց:

Ինչպես տեղեկացնում է «Գրուզիա Օնլայնը» այսօր երկու լողափերում` Կոբուլետիում եւ Գրիգոլետիում զբոսաշրջիկներ են խեղդվել:

Քոբուլեթում 22-ամյա երիտասարդ է խեղդվել: Փրկարարները ջրից դուրս են բերել նրա դին:  Ենթադրվում է, որ երիտասարդը եղել է ոչ սթափ վիճակում:

Իսկ Գրիգոլետիում 40-ամյա կին է խեղդվել: Նա  Փոթիի բնակիչ է: