Իշխանությունը կողմ քվեարկեց Աղվան Վարդանյանի նախագծին ու ծափահարեց

Ազգային ժողովը միաձայն` 84 կողմ ձայնով, ընդունեց «Հայաստան» խմբակցության պատգամավոր Աղվան Վարդանյանի հեղինակած նախագիծը, որով առաջարկվում է դրոշի կիրառման շրջանակն ընդլայնել:

Նախագծով առաջարկվում է կրթական, գիտական, մշակութային, մարզական բոլոր կազմակերպությունների, ինչպես նաև պետության և համայնքի կողմից հիմնադրված բոլոր իրավաբանական անձանց համար սահմանել պետական դրոշի գործածման պարտականութուն, ինչպես նաև կանոնակարգել Սահմանադրության օրվա, Հանրապետության և Անկախության տոների ժամանակ հանրային օգտագործման վայրերին հարող շենքերի վրա պետական դրոշի գործածման կարգը։ 

Առաջարկվում է այս կանոնները խախտելու դեպքում վարչական տուգանք սահմանել: 

Քվեարկությունից առաջ «Քաղաքացիական պայմանագիր» խմբակցության ղեկավար Հայկ Կոնջորյանն ասաց, որ կողմ են քվեարկելու նախագծին, ապա ծափահարեցին ընդդիմադիր պատգամավորին։