Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 2 տարի առաջ - 2022-02-04 10:26
Քաղաքական

Դեռ նախագահ չընտրված Վահագն Խաչատուրյանը խախտել է սահմանադրության 123.3 հոդվածը․ Ռոբերտ Մարգարյան

Դեռ նախագահ չընտրված Վահագն Խաչատուրյանը խախտել է սահմանադրության 123.3 հոդվածը․ Ռոբերտ Մարգարյան
Հիշյալ կետն ընդգծում է. «Հանրապետության նախագահն իր լիազորություններն իրականացնելիս անաչառ է եւ առաջնորդվում է բացառապես համապետական եւ համազգային շահերով»:
 
ՀՀ կառավարության նիստում վարչապետի պաշտոնը զբաղեցրած անձը հայտարարեց, որ 65 պատգամավորների կողմից Վահագն Խաչատուրյանն առաջադրվել է նախագահի թեկնածու: Նույնիսկ նիկոլը հասկացավ, որ առաջադրումը չպիտի կապի ՔՊ-ի հետ, քանի որ Սահմանադրությամբ նախագահի պաշտոնի առաջադրման համար խորհրդարանական մեծամասնությանը նման լիազորություն տրված չէ, այնպես ինչպես դա հստակ նշված է վարչապետի պաշտոնի դեպքում:
 
Բայց նման նրբանկատություն չունեցավ Վահագն Խաչատուրյանն իր երախտագիտության խոսքում, որտեղ հստակ կերպով շնորհակալություն հայտնեց ՔՊ-ին իրեն թեկնածու առաջադրելու համար:
 
ՔՊ-ի կողմից ու նիկոլի հաստատմաբ նախագահի թեկնածու առաջադրված անձը կարող է Սահմանադրության 123.3 հոդվածի համաձայն անաչառ լինել և համապետական ու համազգային շահերը վեր դասել նիկոլի ու ՔՊ-ի քմահաճույքներին: Հարցի պատասխանը դժվար չէ գտնել:
 
Ի դեպ, Արմեն Սարգսյանն էլ էր առաջադրվել ՀՀԿ-ի կողմից, բայց առաջին հանդիպման ժամանակ Սերժ Սարգսյանը կարևորել էր, որ նա պիտի հանդիպում ունենա խորհրդարանի քաղաքական բոլոր խմբակցությունների հետ ու նրա ընտրությունը պիտի լինի լայն համաձայնությամբ:
 
Վահագն Խաչատուրյանի թեկնածության շուրջ կարող է նման լայն համաձայնություն առաջանալ կամ ընդհանրապես ընդդիմադիր խմբակցությունները պատրաստ կլինեն նրա հետ հանդիպել: Այս հարցի պատասխանն էլ դժվար չէ գուշակել:
 
Ռոբերտ Մարգարյան
Իրավաբան

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը