Վահագն Խաչատուրյանը Փաշինյանից նախագահ նշանակվելու առաջարկ դեռ չի ստացել

Քանի որ այս պահին դեռևս չկա Հայաստանի ԱԺ նախագահի որոշումը, որով դադարեցվում են ՀՀ գործող նախագահի լիազորությունները, այդ խոսակցությունը պետք է տեղի ունենա վաղը, գեղեցիկ չի լինի, որ այսօր որևէ մեկնաբանություն անենք: Դեռևս մարդը հնարավորություն ունի, կարող է դիմումը հետ վերցնել․ լրագրողների հետ զրույցում նշեց ՀՀ բարձր տեխնոլոգիական արդյունաբերության նախարար Վահագն Խաչատուրյանը։

«Տեսականորեն պետք է շրջանառվեն, հաշվի առնելով բոլոր այն չափանիշները, որ կար՝ 40 տարեկանից բարձր, ՀՀ քաղաքացի, ճանապարհ անցած մարդ, նաև այսօրվա նախարար: Այդ պայմաններում կարելի է ենթադրել, որ ես կարող եմ հայտնվել այդ ցուցակում՝ հաշվի առնելով, որ նաև, որպես այսօրվա կառավարության անդամ, քաղաքական թիմի անդամ, կարող եմ ես առաջադրվել»,- ասաց նա: