Սկսվել է Լաչինի միջանցքին այլընտրանքային ճանապարհի կամրջի կառուցումը Հաքարի գետի վրա

Սկսվել է Լաչինի միջանցքի այլընտրանք ճանապարհի՝ Հաքարի գետի վրայով անցնող կամրջի շինարարությունը։

Հիշեցնենք, որ եռակողմ հայտարարությունը հատուկ կետ է պարունակում 3 տարվա ընթացքում Լաչինի միջանցքին այլընտրանքային ճանապարհ կառուցելու մասին։ Տխրահռչակ հայտարարության 6-րդ հոդվածն ասում է.

«Կողմերի համաձայնությամբ Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղին պաշտպանելու համար:

Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային և բեռնատար միջոցների երթևեկության անվտանգությունը երկու ուղղություններով»: