ՔՊ-ական կառավարիչները գյուղացիներին հորդորում են`ձև գտեք, յոլա գնացեք

Երկրի պարենային անվտանգությունը ազգային անվտանգության անբաժանելի մասն է ։ Բնակչության սննդի ապահովման բարելավումը կարեւոր սոցիալ-տնտեսական խնդիր է, որի լուծումը հսկայական նշանակություն ունի Հայաստանի  համար։ Պարենային անվտանգության ապահովումը պետական քաղաքականության գերակա ուղղությունն է, քանի որ ընդգրկում է ազգային, տնտեսական, սոցիալական, ժողովրդագրական եւ բնապահպանական գործոնների լայն շրջանակ:

Պետության պարենային անվտանգության աստիճանը կախված է գյուղատնտեսական արտադրության բազային ներուժից։ Պարենային անվտանգության ապահովման բնագավառում ագրարային քաղաքականությունը պետք է ուղղված լինի հայրենական գյուղատնտեսական արտադրողին օգնություն ցուցաբերելուն՝ պետական հովանավորչության ռազմավարության օգտագործմամբ: Այսօր զարգացած շուկայական տնտեսություն ունեցող երկրներում գյուղատնտեսական մթերքների արտադրությունը և դրանց վերամշակումը համարվում են քաղաքական կայունության կարևորագույն պայման։ Հայաստանի Հանրապետության համար պարենային անվտանգության խնդիրը կարեւորագույններից մեկն է ։ Բնակչությանը պարենով ապահովելու մակարդակը դիտվում է որպես կարևորագույն գործոն և սահմանում սոցիալական կյանքի մակարդակի, տնտեսական կառուցվածքի և երկրի պետական կառուցվածքի կենսունակության չափանիշը:

 Հայաստանի քաղաքացիների պարենային անվտանգությունն ապահովելու համար նրանց սպառած սննդի գերակշիռ մասը պետք է արտադրվի սեփական գյուղատնտեսության ոլորտում։ Իրերի իրական վիճակն այսօր վկայում է մեր երկրում պարենային անվտանգության լուրջ խնդիրների մասին: Դա պայմանավորված է ազգային տնտեսության բոլոր ոլորտներում առկա համակարգային ճգնաժամով և անկմամբ։ Հաշվի առնելով ազգային տնտեսական անվտանգության և հասարակության սոցիալ-քաղաքական կայունության շահերը՝ պարենային և գյուղատնտեսական համալիրները պետք է համարվեն տնտեսության ռազմավարական կարևոր ոլորտներ։

Ագրոպարենային ոլորտում պետության ազգային շահերը ներառում են՝

-սեփական սննդի արտադրության, գյուղատնտեսության, ինչպես նաև սննդի և վերամշակող արդյունաբերության համար նյութատեխնիկական բազայի անհրաժեշտ մակարդակ,

-պարենային պետական պաշարի նորացում և համալրում` անկախ արտաքին և ներքին բացասական գործոնների ազդեցությունից,

-արտադրվող և վաճառվող սննդամթերքի որակի համապատասխանություն սննդի որակի և անվտանգության պետական ստանդարտներին,

-գյուղատնտեսության ոլորտի բոլոր մակարդակներում արդյունավետ կառավարման համակարգի ստեղծում, ձեռք բերված ծավալների պահպանում և արտահանման ուղղվածություն ունեցող մրցունակ պարենային ապրանքների արտադրության ընդլայնում,

- միասնական գիտատեխնոլոգիական քաղաքականություն պարենային համալիրում,

-պարենային ապրանքների շուկայի նկատմամբ պետական վերահսկողության իրականացում, ներառյալ արտադրության, արտաքին և ներքին մատակարարումների, պարենային պաշարների հաշվառում և վերահսկողություն։

Պարենային անվտանգությունը տնտեսական բարեկեցության անբաժանելի մասն է և ցանկացած պետության ազգային անվտանգության հիմնարար վեկտորը։  Պետք է հաշվի առնել, որ պարենային անվտանգությունը պետական քաղաքականության գերակա ուղղությունն է, քանի որ ընդգրկում է ազգային, տնտեսական, սոցիալական, ժողովրդագրական եւ բնապահպանական գործոնների լայն շրջանակ: Այսպիսով՝ պետության սոցիալ-տնտեսական համակարգն անկանոն կերպով կապված է պարենային անվտանգության հետ՝ հիմնված դրա երաշխիքներն ապահովելու համար ներքին ռեսուրսների մոբիլիզացման վրա։

Անցած շաբաթ Շիրակի մարզի ֆերմերային և գյուղացիական տնտեսությունների շուրջ 400 ներկայացուցիչներ իրենց մտահոգությունն էին հայտնել պարարտանյութերի գների սպասվելիք թանկացման և առաջիկա ոռոգման սեզոնին ժամանակին ջուր ունենալու վերաբերյալ։ Գարնանային գյուղատնտեսական աշխատանքների մեկնարկին ընդառաջ՝ ազոտական պարարտանյութ մատակարարող ընկերությունները  զգուշացրել էին, որ 6-7 հազար դրամ արժողության պարարտանյութը հողագործին այս տարի կվաճառվի եռակի թանկ։

Հայ գյուղացուն «լավ ապագայի» խոստում տալուն անմասն չմնաց նաև Նիկոլ Փաշինյանը, որն ընթացող առցանց ասուլիսում չբացառեց, որ Թուրքիայի հետ սահմանի բացման դեպքում տեղական գյուղատնտեսական արտադրանքը կարող է կորցնել մրցունակությունը՝ թուրքականի համեմատ։

ՔՊ-ական կառավարիչները գյուղացիներին հորդորում են`ձև գտեք, յոլա գնացեք, նախկիններն են մեղավոր։ 

Մհեր Մելքոնյան

ՀՅԴ Շիրակի Մարզային կոմիտեի ներկայացուցիչ