10-ից ավելի դեպքերով տան հասցեներում անծանոթների հաշվառում է եղել, նաև մահացածի տվյալ է եղել․ Գոհար Մելոյան

Վաղարշապատի ՏԻՄ ընտրությունների ընթացքում ՊԶՄԿ-ի ղեկավար Գոհար Մելոյանը դիտորդական առաքելության ընթացքում արձանագրած խախտումները բաժանել է երկու խմբի՝ բովանդակային ու տեխնիկական։

Տեխնիկական խախտումներից են, օրինակ, տեղամասերից մեկից գիշերվա ընթացքում ուղիղ եթեր չի հեռարձակվել, մի տեղամասում քվեախուցը տեղադրված է եղել ցայտաղբյուրի մոտ, ինչը հնարավորություն էր տալիս ցայտաղբյուրից օգտվող մարդկանց հետևել քվեախցում իրականացվող քվեարկությանը։

Եղել է դեպք, երբ ՔՊ ցուցակում ընդգրկված ավագանու թեկնածուն ընտրատեղամասերից մեկում եղել է վստահված անձ։

«Եղել են ուղղորդման դեպքեր, նույն մեքենան տարբեր ընտրողների է բերել տեղամաս։ Այս պահի դրությամբ՝ ժամը 16։00-անց է, ընդհանուր գնահատական եթե տանք, իմ կարծիքով, տեղի չեն ունեցել այնպիսի խախտումներ, որոնք կարող են քվեարկության արդյունքները կասկածի տակ դնել։ Այս բոլոր խախտումներն մենք արձանագրել ենք»,-ասաց Գոհար Մելոյանը։

Ավելին՝ տեսանյութում։