Ռուսաստանը կործանիչներ է ուղարկում Բելառուս

Ռուսաստանը շարունակում է Սու-35Ս կործանիչների տեղափոխումը երկրի արևելքից Բելառուս։ Այս մասին հայտնում է ՌԴ պաշտպանության նախարարության կայքը։

«Արևելյան ռազմական օկրուգի Սու-35Ս բազմանպատակային կործանիչների անձնակազմերը, որոնք ներգրավված են Միութենական պետության արձագանքման ուժերի ստուգման մեջ, շարունակում են տեղափոխվել Բելառուսի օդանավակայաններ»,- ասվում է զեկույցում։

Բելառուսի օդանավակայաններ ժամանելուց հետո Սու-35Ս բազմաֆունկցիոնալ կործանիչների անձնակազմերը մարտական հերթապահության կանցնեն հակաօդային պաշտպանության համար՝ Միութենական պետության միասնական ՀՕՊ համակարգի գործունեության ստուգման շրջանակներում. հայտնում է «Ռոսբալտը»:

Հիշեցնենք, որ ՌԴ-ն «Իսկանդեր»-ներ, «Պանցիր»-ներ և Ս-400-ներ է տեղափոխել Բելառուս զորավարժությունների շրջանակներում, ինչը Արևմուտքը դիտարկում է որպես Ուկրաինա ներխուժման նպատակ: