Ռուսաստանը հրթիռային համակարգեր է տեղափոխում Բելառուս. Ուկրաինայի ՊՆ

Ռուսաստանը հրթիռային համակարգեր է ուղարկում բելառուսական Գոմել. ըստ «Ուկրինֆորմ»-ի՝ հայտարարել է Ուկրաինայի պաշտպանության փոխնախարար Աննա Մալյարը։

«Ռուսաստանը չի հրաժարվում Դոնեցկի և Լուգանսկի շրջաններն ամբողջությամբ զավթելու՝ իր ծրագրերից։ Նա ոտնձգություն է անում նաեւ Խարկովի շրջանի վրա եւ փորձում ամրապնդել իր դիրքերը, վերախմբավորել զորքերը, ամրապնդվել։ Հիմա մենք տեսնում ենք, որ հրթիռային համակարգեր են ուղարկվում Գոմելի շրջան, հակառակորդը փորձում է դրանք կենտրոնացնել այնտեղ։ Աակնհայտ է, որ դա պայմանավորված է հրթիռային հարվածներ հասցնելու կամ այնտեղ որպես շանտաժի և ահաբեկման գործիք կիրառելու ծրագրերով»,- ասել է Մալյարը։

Նրա պնդմամբ՝ Բելառուսի տարածքը Ռուսաստանը շարունակում է ակտիվորեն օգտագործել, և որ Ռուսաստանի Դաշնությունը չի հրաժարվել իր նպատակներից, նույնիսկ՝ Կիևի և Չեռնիգովի շրջաններից զորքերի դուրսբերումը կամավոր դուրսբերում չէ, այլ արդյունք է Ուկրաինայի զինված ուժերի աշխատանքի: