Հետագայում պարզ կդառնա՝ Արմեն Սարգսյանը հանցակի՞ց եղել է այս իշխանություններին, թե՞ ոչ. Արթուր Ղազինյան

Ես չեմ կարող այս պահին պնդել, թե Արմեն Սարգսյանը տեղյակ է եղել իշխանության գործողություներին, բայց որ խոր անհամաձայնություն չի հայտնել, դա փաստ է: Այս մասին ԱԺ-ում լրագրողների հետ ճեպազրույցի ժամանակ ասաց «Հայաստան» խմբակցության պատգամավոր Արթուր Ղազինյանը՝ պատասխանելով հարցին՝ ՀՀ նախկին նախագահին դավաճան համարո՞ւմ է, թե՞ ոչ:

«Արդեն ունենք մի իրավիճակ, երբ մոտ մեկ տասնյակի հասնող պաշտոնյաներ հրաժարական են տալիս և խոսում ՀՀ-ին սպառնացող վտանգների մասին։ Եթե մեկը լիներ, երկուսը, գուցե կարելի էր մտածել, որ մերկապարանոց հայտարարություն է, բայց այս դեպքում ստացվում է կանխամտածված հանցակցություն»,-ասաց նա: