Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 2 տարի առաջ - 2021-12-11 14:30
Արցախ

Շարունակվելու է տեղահանվածներին ամենամսյա ֆինանսական աջակցության տրամադրման ՀՀ կառավարության գործող ծրագիրը․ Արցախի ՄԻՊ

Սիրելի՛ հայրենակիցներ,
Երեկ աշխատանքային այցով գտնվում էի Երևանում և ՀՀ փոխվարչապետների և աշխատանքի ու սոցիալական հարցերի և ֆինանսների նախարարների հետ քննարկումների արդյունքում մի քանի հիմնական հարցերի շուրջ հստակեցումներ մտցրեցինք, որոնց մի մասը կուզեի հակիրճ ներկայացնել, սակայն պետք է հաշվի առնել, որ դրանք բանավոր պայմանավորվածություններ են և ուժի մեջ կմտնեն, եթե ՀՀ կառավարությունը հաստատի:
 
1. Նախ, շարունակվելու է տեղահանվածներին ամենամսյա ֆինանսական աջակցության տրամադրման ՀՀ կառավարության գործող ծրագիրը, սակայն ժամկետների, չափի ու այլ պայմանների մասին տեղեկությունները կվերջնականացվեն և կհրապարակվեն ՀՀ կառավարության կողմից առաջիկայում:
 
2. Վերջնականացման փուլում են տեղահանված վերաբնակիչներին (ժամանակին ՀՀ-ից և այլ երկրներից Արցախում վերաբնակված) ընտանիքների համար բնակարանային առանձին ծրագրի նախագծի լրամշակման աշխատանքները, որի շրջանակներում նրանց տրվելու է ընտրության հնարավորություն Արցախում կամ ՀՀ-ում բնակարան ձեռքբերելու առումով: Արցախում առաջարկվող պայմանները կլինեն ավելի բարենպաստ, իսկ մնացած նախատեսվող մանրամասները կհրապարակվեն նախագծի լրամշակումից հետո:
 
3. Նշված ծրագրի շահառու են համարվելու նաև այն տեղահանված ընտանիքները, որոնք ունեն զոհված անդամ: Այսինքն, տեղահանված և միաժամանակ զոհվածի ընտանիքը ստանալու է ընտրության հնարավորություն Արցախում կամ ՀՀ-ում բնակարան ձեռքբերելու հարցում: Կրկին, Արցախում պայմանները կլինեն ավելի բարենպաստ, իսկ գումարի չափին և այլ մանրամասներին առնչվող տվյալները կներկայացվեն ավելի ուշ:
 
4. Բարելավվելու են ՀՀ կառավարության գործող ծրագրերը տեղահանվածների զբաղվածության մասով, և մենք համատեղ մշակում ենք զբաղվածության խթանման նոր ծրագրեր՝ Արցախում և ՀՀ-ում իրագործելու նպատակով:
 
5. Քննարկեցինք նաև հարցեր պետական կառավարման համակարգի տարբեր ոլորտներում փորձի փոխանակման ինստիտուցիոնալ մեխանիզմների բարելավման/ներդրման, առկա ծրագրերի ներդաշնակեցման և մի շարք այլ թեմաների շուրջ:
 
Օրվա ընթացքում նաև մամուլի ասուլիսով հանդես եկա՝ դեկտեմբերի 10-ի տոնի առթիվ, որի ժամանակ անդրադարձել եմ և՛ ներքին, և՛ արտաքին մի շարք հարցերի: Ամբողջական ասուլիսի հղումը՝ ստորև.
 
Արտակ Բեգլարյան
Արցախի ՄԻՊ
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը