Սա աբսուրդ է․ ՀՀ տարածքի նույնիսկ 1 մետրը չի կարող փոփոխվել առանց ՀՀ ժողովրդի կարծիքի․ Վարդևանյան

Զարմանալի է, որ ՀՀ քաղաքացիների վճարած հարկերի հաշվին վարձատրվող պետական ծառայողները այս պահին ներկա չեն այս հանձնաժողովի նիստին։ Եթե պարգևավճարների և հավելավճարների վերաբերյալ սահմանափակում լինեին, վստահ եմ՝ լեփ-լեցուն կլիներ հենց այս դահլիճը։ Այս մասին ԱԺ հանձնաժողովում Գորիս-Կապան ճանապարհի վերաբերյալ հրատապ քննարկման ժամանակ ասաց «Հայաստան» խմբակցության պատգամավոր Արամ Վարդևանյանը։

«Մենք գտնվում ենք, իրավական առումով, ամենաաբսուրդային իրավիճակում։ Ես նույնիսկ դժվարանում եմ ասել՝ արդյո՞ք ՀՀ-ն սահմանադրություն ունի, թե՞ ոչ։ Եթե սահմանադրություն ունի, ՀՀ տարածքի նույնիսկ մեկ մետրը չի կարող փոփոխվել՝ առանց ՀՀ ժողովրդի կարծիքի։ Սահմանադրությունը ուղղակիորեն է ասում, որ տարածքի փոփոխությունը կարող է իրականացվել  բացառապես հանրաքվեի միջոցով։ Հնարավո՞ր է հանրաքվե է տեղի ունեցել, մենք տեղյակ չենք»,-ասաց Վարդևանյանը։ 

Մանրամասն՝ տեսանյութում։