Ոստիկանությունը Քյարքիի իր տնից դուրս է արել պատերազմի մասնակցին և ձերբակալել. Հրանտ Բագրատյան

Ոստիկանությունը պատերազմի ակտիվ մասնակից, մենատնտես Տիգրան Եղոյանին դուրս է արել Քյարքիում ձեռք բերած տնից, իսկ Տիգրանին ձերբակալել է ու քաշքշելով բերել է Երևան: Այս մասին իր ֆեյսբուքյան էջում գրել է ՀՀ նախկին վարչապետ Հրանտ Բագրատյանը:

«Հանրությանը տեղյակ եմ պահում, որ սեպտեմբերյան պատերազմի ակտիվ մասնակից, մենատնտես Տիգրան Եղոյանը մի խումբ երիտասարդների հետ այսօր փորձել է բնավորվել Տիգրանաշեն (նախկինում Քյարքի) գյուղում իրենց իսկ միջոցներով ձեռք բերված տանը։ Ոստիկանությունը նրանց դուրս է արել գյուղից, իսկ Տիգրանին ձերբակալել է ու քաշքշելով բերել Երևան։ Տիգրանն ու նրա ընկերները ընդգրկված են Ազատություն կուսակցության ցուցակներում։ Բացի այն, որ նրանց ձերբակալած ոստիկանների մեջ չկա մեկը, որն այդ տղաների չափ գործ արած լինի իր հայրենիքի համար, անհասկանալի է հողատու նիկոլի կողմից հանձնվող գյուղը պաշտպանելու եկած երիտասարդին քաշքշելը, հայհոյելն ու ձերբակալելը։ Սա նաև սադրանք է խափանելու Ազատություն կուսակցության գրանցումը»։