Արդարադատության նախարարը չպետք է դատավորների նկատմամբ վարույթ հարուցելու գործիքակազմ ունենա․ դատավոր

«Հայտարարությունը, թե կարգապահական վարույթները ավելանալու են, սպառնալի՞ք է դատավորներին»,- այսօր հարց ուղղեցին լրագրողները Վերաքննիչ քրեական դատարանի դատավոր Արշակ Վարդանյանին։

«Ես որ սպառնալիք չեմ զգում: Ավելանալու են, թող ավելանան: Համենայն դեպս, միանշանակ է, եվրոպական կառույցներն էլ են արձանագրել, որ արդարադատության նախարարը չպետք է ունենա այդ գործիքակազմը՝ դատավորների նկատմամբ վարույթ հարուցելու: Հատկապես՝ խոսքը վերաբերում է նյութական դատավարական իրավունքի խախտման դեպքերին: Այդտեղ կան արդարադատությանը խոչընդոտելու, դատավորի անկախությանը միջամտելու ռիսկեր»,- պատասխանեց նա։

Արձագանքելով դատավորների օբյեկտիվության մասին տարաբնույթ գնահատականներին՝ Արշակ Վարդանյանն ասաց․ «Որևիցե պաշտոնյա լինի, հանրային ծառայող լինի, թե՝ քաղաքացի, չի կարող դատավորի վրա ներազդել, եթե դատավորը նման հակումներ չունի: Զուտ անձնական խնդիր է: Իմ նկատմամբ ճնշումներ չկան և չեն կարող լինել»: