Իրանը Ադրբեջանի սահմանին զորավարժությունները կանցկացնի «Հայբարի նվաճողները» խորհրդանշական անունով. Աբաս Ջումա

Իրանը Ադրբեջանի սահմանին զորավարժությունները կանցկացնի «Հայբարի նվաճողները» խորհրդանշական անունով: Դրանք կլինեն այդ շրջանում վերջին 20 տարվա ամենամեծ զորավարժությունները. իր թելեգրամյան էջում գրել է ռուս-սիրիացի լրագրող Աբաս Ջուման:

«Անունը վերաբերում է Հայբարի ճակատամարտին, որը տեղի է ունեցել 7-րդ դարում: Այդ ժամանակ (Մոհամմադ) մարգարեի ջոկատը վերցրել է քաղաքը, որը Մեդինայից փոքր-ինչ հեռու էր, և որտեղ ապրում էին հրեաները: Հիմնական դրվագն այն էր, որ Իմամ Ալին ջարդել էր բերդի դարպասները և գրավել քաղաքը:

Ադրբեջանում գտնվող «Հուսեյնականներն» արդեն հանդես են եկել հայտարարությամբ այս հարցի վերաբերյալ։

«Զորավարժությունների հենց անունը ցնցել է սիոնիստական ռեժիմը: Նշենք, որ զորավարժություններին մասնակցող հիմնական ուժերը Իրանի քաջարի ադրբեջանցի երիտասարդներն են:

Զորավարժությունների անվանումն ուղերձ է Ադրբեջանի ժողովրդին, որը պետք է իմանա, որ նպատակը Իսրայելի ռեժիմն ու նրա շահերը պաշտպանող ուժերն են (ակնարկ Ալիևի մասին):

Իսրայելի ռեժիմը Ադրբեջանը համարում է Հայբարի ամրոց:

Բայց մենք կհիշենք, թե ինչպես մեր Իմամը կոտրեց դարպասները և ջախջախեց հրեական բանակը:

Այո, Ալիի երեխաները միակ ուժն են, որը կփրկի Ադրբեջանը Իսրայելի ռեժիմից»,- իրանամետ «Հուսեյնականներին» մեջբերում է Ջուման: