Առուշ Առուշանյանի պաշտպանները դատարանին միջնորդություն են ներկայացրել կալանքը գրավով փոխարինելու վերաբերյալ

Գորիս համայնքի ղեկավար Առուշ Առուշանյանի վերաբերյալ քննվող քրեական գործով վերջինիս նկատմամբ ընտրված խափանման միջոցի փոփոխման հարցի քննարկումը տեղի է ունենալու Սյունիքի մարզի ընդհանուր իրավասության դատարանում (Գորիսի նստավայր), սեպտեմբերի 10-ին՝ ժամը 10։00-ին․ ֆեյսբուքյան իր էջում հայտնել է Առուշանյանի պաշտպան Էրիկ Ալեքսանյանը։

«Ցանկանում ենք տեղեկացնել, որ պաշտպանության կողմը ներկայացրել է դատարանին միջնորդություն՝ կալանքը գրավով փոխարինելու վերաբերյալ, քանզի դատավարության ներկա փուլում առկա են բոլոր նախադրյալները Առուշ Առուշանյանին գրավով ազատ արձակելու վերաբերյալ (համապատասխան հիմնավորումները հանգամանալից կներկայացվեն դատական նիստի ժամանակ)»,-  գրել է պաշտպանը։